مشروع صناعه يد المكنسة

مشروع من المشروعات التي زاد الاقبال علية خلال الفترة الاخيرة ؛ بالاضافة انه يعتبر من المشروعات التي تقدم سلعه استهلاكية في جميع دول العالم ؛ والنهارده هنتعرف علي كل تفاصيل المشروع وايضا جيبلكم دراسة جدوي مصغرة للمشروع بالاضافة الي رقم التاجر المورد للماكينات المستخدمه في المشروع .

اولا : الماكينات المستخدمه في مشروع اليوم :-

المشروع ده نقوم باستخدام فية 5 مراحل انتاج ب 5 ماكينات ويوجد ماكينة سادسة احياطية ولها دور معين بالاضافه ان الماكينات دي تقدر تشغل عليها اي حد وباي مرحلة عمرية وده لسهولة التعامل مع الماكينات بالاضافة الي قلة معدل الخطر بيها .

1- ماكينة البراية رقم 1 ( التخانة ) : 

ودي تسمي ماكينة الوش الاول ودي لانها بتاخد اي مقاس من الخشب بيدخل فيها بيطلع 1/2 دايرة .

2- ماكينة البراية رقم 2 : 

ودي تسمي ماكينة الوش التاني ودي عشان بيتحط فيها الخشب الي طلع من الماكينة رقم 1 وبعدين بتقوم مطلعه الخشب ال داخل بشكل 1/2 دايرة الي يد مكنسة بالشكل ال كلنا عارفينة.

3- ماكينة الكيرف ( ماكينة الكعب ) : 

ودي دورها انها تعمل 1/2 دايرة من فوق احدي اطراف يد المكنسة .

4- ماكينة القلاوظ : 

ودي دورها انها تعمل في الطرف الاخر ليد المكنسة شكل حلزوني وده لتسهيل ربط يد المكنسة بالمكنسة .

5- ماكينة الصنفرة : 

 والماكينة دي مسئولة عن تنعيم يد المكنسة .

واخيرا ودي يستحدم وقت الطلب فقط * كومبروسور وديسك :

ودول بيستخدموا في تقطيع الخشب باطوال مطلوبة منك بالطلب ؛؛ وطبعا الطول الاساسي ليد المكنسة الي احنا شغالين بية هو 120 سم ؛ طب لو اتطلب مني انفذ يد مكنسة مثلا 130 سم او 140 سم او غيرة بيتم استخدم الكومبروسر والديسك .

سعر خط الانتاج بالكامل :-

* فسعر خط الانتاج بالكامل ( 6 ماكينات ) هو 120 الف جنية مصري وده لكهرباء 3 فاز ؛ اما لو الكهرباء 220 فولت فسعر خط الانتاج كامل هو 130 الف جنية مصري .

الخامات المستخدمة :

1- الخشب :

الخشب في منة نوعين ( خشب سويد ابيض وخشب شجر ) لكن الافضل استخدام خشب السويد الابيض وده سعر المتر من ب 6500 جنية وده بيعمل معانا 1332 يد مكنسة .

2- كسوه يد المكنسة : ودي سعر الكيلو من 110 الي 120 جنية والكيلو بيعمل من 200 الي 215 يد مكنسة .

3- كعب البلاستيك :(التي يتم وضعه اعلي المكنسة ) :

وده سعر الكيلو ب 65 جنية والكيلو بيعمل من 420 الي 430 يد مكنسة .

ملحوظة هامة :

حضرتك قبل ماتنفذ المشروع لازم تنزل تسأل عن متر الخشب السويد بكام عند حضرتك ؛ ولازم تعرف ايضا سعر رابطه الخشب بكام عندك جكلة ؛ مع العلم رابطه الخشب بتكون مكونة من 24 يد مكنسة .

وده فيديو توضيحي للماكينات المستخدمة في المشروع وايضا لدراسة الجدوي المصغرة للمشروع وايضا رقم الشركة المصنعه للماكينات

واتمني لحضرتكم التوفيق باذن الله

* ولاتنسونا بالدعاء في ظاهر الغيب *